తొలి అడుగు వేసినప్పుడు దుంప కల్యాణి (ఎంగిలమ్మ), సారవకోట లక్ష్మీ, వారణాశి వసంత (హైదరాబాద్), వారణాశి నరసింహ మూర్తి, వారణాశి లక్షమణ మూర్తి (గుజరాత్) లు ఎంతో సహకరించారు. ప్రతిరోజు మాట్లాడేవారు. ఎన్నో అనుమానాలు నివృత్తి చేసేవారు. వారు ఇచ్చిన సమాచారం ఎంతో ఉపయోగపడింది. వీరందరూ వయో వృద్ధులు కావడంతో వారి జ్ఞాపకాలను సద్వినియోగం చేసుకొన్నాం. వారణాశి కృష్ణ మూర్తి కుటుంబం ఫోన్ నంబర్స్, అడ్రెస్ లు దొరకక పోవడంతో సుమారు 4 నెలలు అయోమయంలో పడ్డాం. చివరకు వారణాశి కొండలరావు చొరవతో వారణాశి సాయి రామా ద్వారా వారణాశి శ్యామ్ సుందర్ ని కలసి వారణాశి మోహన్ రావు గుమ్మం ఎక్కి ఒక కొలిక్కి వచ్చాం కృష్ణ మూర్తి కుటుంబం గుమ్మం ఎక్కే ముందు రోజు వరకు చాలా వత్తిడి కి లోనయ్యం. ఎలా సంబరాలు చెయ్యాలో తెలియదు. ఎక్కడ చెయ్యేలో తెలియదు.

చాలా సార్లు వారణాశి అన్నజీ మాట్లాడి ఎదో ఒక విధంగా ఈ పని పూర్తి చేద్దాం అని బలం ఇచ్చేవాడు హైదరాబాద్ నుండి వారణాశి రాజేశ్వరరావు కొడుకు వారణాశి దిలీప్ ఫోన్ చేసాడు. ఇంత వరకు జరిగిన విషయాలుచెప్పం. దిలీప్ సతీమణి సృజన జోక్యం తో దిలీప్ శ్రీకాకుళం వచ్చాడు. 2020 మార్చి 1న శ్రీకాకుళం లో 2వ సారి మీటింగ్ పెట్టాం. అప్పటి నుండి కధ వేడెక్కింది. అంతవరకు వితండవాదం చేసేవారిని ప్రక్కకు పెట్టాం. వారణాశి కృష్ణ మూర్తి కుటుంబం వంశపారంపర్యంగా వస్తున్న జాగాని విరాళంగా ఇవ్వడానికి ముందుకు వచ్చారు. ఒక ట్రస్ట్ చేసి దానికి ఈ జాగా విరాళంగా ఇవ్వనున్నారు. ట్రస్ట్ కి వారణాశి కృష్ణ మూర్తి కొడుకు మోహన్ రావు ప్రెసిడెంట్ గా వుండనున్నారు.