సుమారు శతాబ్దం క్రితం నుండి అమ్మవారి సంబరాలు జరగడం లేదు. చాలా మంది వారణాశి కుటుంబాల ఆర్థిక పరిస్థితి దిగ జారడం తో తమ వాటా కి వచ్చిన భూముల అమ్మీ ఆ ప్రాంతం వదలి వెళ్లిపోయారు. చివరకు అమ్మవారి బుట్ట ను మాత్రమే ప్రతి పండుగ కి పూజ చెయ్యడం జరిగేది. అలా ఆ బుట్ట ఉన్న ఇల్లు పీర్ సాహెబ్ పేట లో వారణాశి కృష్ణ మూర్తి తన చివరాంకం వరకు కొలిచారు. ఆ కుటుంబం కూడా ఆ ఊరు వదలి వెళ్లినా ప్రతి పండుగ కి కృష్ణ మూర్తి వచ్చి దీపం పెట్టేవారు. అతని తదనంతరం ఈ ఇల్లు కూలిపోయింది. దశాబ్దాలుగా ఆ అమ్మవారి బుట్ట మట్టి శిధిలాల క్రింద ఉండి పోయింది. కాల క్రమేణా ఆ బుట్టను అందరూ మర్చిపోయారు. కాలంలో మార్పులు వలన ప్రస్తుతం ఉన్నవారికి ఒక బుట్ట ఉందని గానీ, తమకు ఒక అమ్మ వారు ఉందని తెలియదు. అలాగే వయో వృద్ధులు కొందరు మాట్లాడుతూ తమ చిన్న తనం లో అమ్మవారి సంబరాలు గూర్చి పెద్దలు చెబితే విన్నామని, కానీ చూడలేదని పేర్కొన్నారు